1899
Dat is dat Johr wo dat mit de Buhck Grupp anfungen hett: Richard Buhck hett ünner eenfach Ümstänn anfungen as Fuhrünnernehmer in de Sillemstroot in Bargdörp (de heet hüüt Rektor-Ritter-Stroot), dor weern Wahnung un Bedrief tosomen.
1956
In dat utbombt Düütschland geev dat `n Barg to doon för Bedrieven, de Transportfohrtüüch harrn. Allens wat Rööd harr worr insett. Flott mookte Lastwogen ut Kriegstieden, dat weern de eersten Fohrttüüch bi Buhck, jüst so as an so veele Steden in Düütschland. Dat meiste wat mit Buhck Lastwogens, over ok mit Buhck Peerwogens transporteert worr, weern Buustoffe un Trümmersteen ut de Kriegstieden.
1967
De Idee is eenfach, man wat dor bi rutkümmt, is wat Grotet. Lastwogens, de mit Buustoff un Buuaffall ünnerwegens sünd, köönt narms anners bruukt warrn bit se aflood oder belood sünd. Dor hett Carsten Buhck sik dacht, dat weer doch veel eenfach, dat dat, wat transporteert warrn schull in Containers packt warrt. De Lastwogens mussen nich sülvst töven bit de Lodung vull weer, se kunnen de vullen Containers afholen wenn´t so wiet weer, dat spoort Tiet. Buhck weer en vun eersten Containerdeensten in Hamborg. Hüüt warrt Containers op veele Rebeden bruukt un se warrt in verscheden Grötten insett – vun „Dicke“ (groote) bit „Lütte“.
1980
„Ümwelt“ speelt jümmers mehr een Rull. In Wiershop op dat Land vun een ole Kiesgruuv warrt een Zentrum för Affallweertschop (AWZ) opbuut.
1997
De Buhck Grupp fangt an, sik ok üm Rohr un Kanalisatschoonsarbeiden to kümmern, een nieget Rebeet. Ok de Bioaffallkomposteerung in´t Affallweertschops-Zentrum in Trittau fangt den Bedrief an.
1999
De Buhck Grupp geiht in´t 100. Johr siet Gründung över Grenzen: in Polen warrt Buhck Polska gründt. Hier warrt sik üm Affall un dat, wat dor ut warrn kann rundümto vun de Stadt Posen kümmert. Bit 2010 blifft Buhck mit een egen Bedriefsellschop in Polen in de Gang.
2000
Carsten Bukck gifft dat Leit över den Bedrief an sien Söhns Thomas Buhck un Dr. Henner Buhck af – de Generatschoonswechsel is glückt.
2005
Buhck kriggt een Anbott trecht för lütte un middelgroote Ünnernehmen för Elektroreedschop, de sik üm de niegen Bedingen för Elektro G kümmern mööt. Mit take-e-way hett Buhck een Steed an de Spitz op dütt Rebeet.
2006
Buhck schafft dat mit Partners de gröttste Anloog för dat Uteneenpulen vun den Affall ut Gewerbe in Norddüütschland (Bestsort) un Ersatzbrennstoffanlogen in Lägerdörp (Altera) un Flensborg (MEISH) optobuen.
2010
Buhck övernimmt de BAR mit all Lüüd, mit all Lastwogens un mit all Containers vun den VEOLIA-Kunzeern. So warrt de Kunnen- un Mengengrundloog in den Containerbedrief vun de Buhck Grupp in un ümto vun Hamborg grötter.
